पाऊस

मनातला पाऊस माझ्या

सदोदित हृदयात रहायचा

उगवला मृदगंधित दिवस

मातीमध्ये मनसोक्त भिजायचा

मी अन् तो दोघांचा संगसाथ 

पाऊस व्हायला आवडायचे

भिजून बरसायचे मनसोक्त

अलगद ओठावर रूळायचे

नकळत हृदयात दोघांनी 

एकत्रच हसूनीया शिरायचे 

हृदयात पक्के स्थान मांडूनी

पाऊस होवूनी जगायचे

स्वप्नातच वेदनेला जागर  

डोळ्यात साथीने उतरायचे

पाझरणाऱ्या या अश्रूंमध्ये

सप्तरंगी इंद्रधनू सजवायचे

केसांमधूनी पाठीवरूनी 

मंद झोताने ओघळायचे

रोमछिद्रे ही अंगावरची

हळुवारपणे थेंब लूटायचे 

श्वासातला सुगंध होऊनी या

निसर्गाच्या मस्त ऊबेत डुंबायचे 

पाऊस होवूनी या रानोमाळी 

हात हातात घेवुनी हिंडायचे

या वाऱ्याला श्वासात कवटाळुनी 

शिखरावरती उंच भरारी घ्यायची  

कुशीत ढगांच्या शिरकाव करूनी

दामिनीसम चमकूनिया तळपायचे