आरोग्य जपूया
आरोग्य जपूया
तरूण आहे आधारस्तंभ देशाचा
मजबुत भक्कम पाया भविष्याचा
तारुण्य म्हणजे उसळत रक्त
उत्साहाचा अखंड झराच फक्त
आमच्या बालपणी तरुण जायचे तालमी
अंगात असायची रग आणि चेहऱ्यावर गुर्मी
बाहु असायचे पिळदार बळकट
सारं शरीरचं असायचं दणकट
मोबाईल टिव्ही तंत्रज्ञानाचा आला जमाना
यंत्रासमोरचा तरुण काही केल्या हलेना
मानसिक ताण वाढत चालला
व्यांधीनी मग तरुण ग्रासला
अकाली वृद्धत्व तरुणांना लागले येवू
पार्लर जीमला मग लागले जावू
वेळीच जाणा रे आरोग्याचा मंत्र
योगासनाचं अवगत करा रे तंत्र
देशाला आहे तुमच्याकडून अपेक्षा
आळसाने शरीराची नका करु उपेक्षा
कसदार आहाराचं करा सेवन
योगाने बनवा निरोगी जीवन!
तरुण तरुणींनो सोडा आता आळस
नियमित वेळेत आहार घ्या सकस
जाणुनी महत्व नित्य करा योगा
निरोगी जीवनासाठी आरोग्याला जागा!