महापूर
महापूर
1 min
370
काळ्या कुट्ट नभातून
धुंद बरसल्या धारा
नाच विजांचा अंबरी
धरेवर जल मारा
पुऱ्या महिन्याची वर्षा
कोसळली एक दिनी
अख्खे शिवार बुडाले
सर्वदूर पाणी पाणी
ओलांडली रे पातळी
गावं वेढली पुरात
पाणी शिरता घरात
भरे धडकी उरात
गेली वाहूनी रे शेती
गुरं ढोरं ही वाहिली
अख्या संसाराची माती
गत पुराने ही केली
झाले होत्याचे नव्हते
गेले पुरात वाहून
कळ अंतरात उठे
रुद्र पूर हा पाहून
वेग पाण्यास इतका
सारे क्षणात रे नेई
होई जीवनही शून्य
शुद्ध हरपून जाई