मान्सून
मान्सून
मान्सूनची ओढ लागली
येईल काही दिवसांत
मजा करू खूप खूप
नाचू पहिल्या पावसात
चातकपक्ष्याप्रमाणे वाट पाहती
लक्ष देती फक्त पावसाकडे
पड रे पाऊस लवकर म्हणून
डोळे लावून बसले आभाळाकडे
प्रचंड उष्णता आणि गरमी
प्रत्येकजण झालंय हैराण
पावसाच्या येण्याने मिळेल
सर्वांना एकदाचे समाधान
पावसाच्या येण्याने सर्वजण
लागतात आपापल्या कामाला
मुले जातील शाळेला आणि
शेतकरी जाईल आपल्या शेताला
संपेल पावसाची प्रतीक्षा
बरसतील पाऊसधारा
धरती होईल थंडगार अन
हवेत सुटेल गार गार वारा