पाण्याची महती
पाण्याची महती
1 min
11.7K
पाण्याची काय सांगू महती
पाण्याविन जीवनाला नाही गती || धृ.||
काढून टाका डोक्यातलं खूळ
पाणी कधीही होत नाही शिळं
पाण्यावर करा तुम्ही प्रिती ||१||
पाणीबचतीची नाही तळमळ
तोटीविना नळ वाहे भळभळ
पाणी तुम्ही घालवता वाया किती ||२||
गाडी धुण्यासाठी पाणी वारेमाप
करू नका लोकहो असले हे पाप
भविष्याची बाळगा थोडी भिती ||३||
जाणून घ्या तुम्ही मोल पाण्याचे
दुष्काळ करतो वांदे खाण्याचे
विनविते आहे तुम्हा धरती ||४||
पाणीवापराचं करा नियोजन
थेंबाथेंबाचं करा हो जतन
आता तरी बदला चुकीची निती ||५||