विद्रोही शिक्षण

गरीबांच्या शिक्षणाचा गळा कुणी कापला ?

लोकशाहीत शिक्षणावर घाव कुणी घातला ?

समतेच्या विचारांचा इथे घातपात झाला

न्याय शिक्षणाचा गरीबांस, देण्या कुणी नाही उरला.

शिक्षणात विषमतेचा खेळ कुणी मांडला ?

नाही वाली शिक्षणाला, त्यांच्या भविष्याला

होते तळमळ गरीबांची, नाही कदर कुणाला

समता शिक्षणाची का दिसेना जगाला ?

गरीब, श्रीमंतीच्या दरीत गरीब शिक्षणास मुकला

अंधारमय त्यांचे जीवन, नाही अर्थ जगण्याला

तुटपुंज्या शिक्षणाने, अंधार भविष्याला

मानवसेवा हा विचार, धूळीस मिळाला.

महासत्तेच्या युगात, त्याला प्रकाश का दिसेना ?

आर्थिक शोषण शिक्षणात, न्याय कुणी का करेना?

स्वस्त शिक्षणाची बालकाला योजना का येईना ?

स्वातंत्र्यात त्यांना शिक्षणाचे हक्क का मिळना ?

कित्येक उठाव, उद्रेक झाले बंदिस्त

ध्येय वेडी माणसे का दिसेना जगात ?

लोकशाहीची मूल्ये फक्त का पाठ्यपुस्तकात ?

दर्जेदार शिक्षण, असते कुणाच्या घरात?