आजार होता
आजार होता
1 min
14.4K
(सागर राजे सरांनी दिलेल्या ओळीवर)
भेटला मजला फुलांचा हार होता ।
वाटला तेव्हा मला सत्कार होता ।।
वाहिले नाही जराही रक्त जेव्हा ।
मानले तो आपल्यांचा वार होता ।।
राहिला नाही भरोसा पावसाचा ।
जो बळीच्या जीवना आधार होता ।।
स्थापला मठ, घातला पोशाख न्यारा ।
चालला तेथेच स्वैराचार होता ।।
आपला समजून हाती हात देता ।
तो निघाला गाढवांचा यार होता ।।
यार माझ्या जीवनाच्या सांजवेळी।
जाहला माझा मुलांना भार होता ।।
संपला माझ्या बरोबर 'मी' पणाही।
जीवनाचा जो महा आजार होता ।।