आम्ही वारकरी
आम्ही वारकरी
आम्ही वारकरी। सारे शाकाहरी ।।
करी तुझी वारी। विठुराया ।।
कपाळी हा गंध । कीर्तनाचा छंद ।।
तुझा माझा बंध । अतुटची ।।
तुळशीची माळ । हातामंदी टाळ ।।
अष्टगंधी भाळ । नित्यनेमे।।
भगवी पताका । पाऊलांचा ठेका ।।
वारीचा या डंका । सर्वदूर ।।
शुभ्र वस्त्र अंगी । किती असो तंगी ।।
भजनात रंगी । पांडुरंगा ।।
मुखी हरिपाठ । तनी तुझी भेट।।
हृदयात थेट । हरी राया ।।
सद् आचरण । शुद्ध बीजे मनी ।।
रंगतो किर्तनी । भक्ती भावे ।।
धरी एकादशी। कशा हवी काशी।।
राहतो उपाशी । मनोभावे ।।
माऊली रिंगण।पंढरी दर्शन।।
चंद्रभागा स्नान । तुझ्या दारी।।
युवा वारकरी । पोचवितो वारी ।।
दर्शन दे हरी । भक्ताला या ।।