वयात येऊ लागली बाळे ----
वयात येऊ लागली बाळे ----
विषय - वयात येऊ लागली बाळे
वयात येऊ लागली बाळे ,मिसरूड फुटू लागली
मुलींच्या हसण्या-खिंदळण्यावर , बंधन येऊ लागली
आरशात बघून लाजणे , वारंवार होऊ लागले
एकमेकांकडे बघून ह्रदय धडधडू लागले
गालावरची कळी लागली खुलू
आवडी निवडी लागल्या बदलू
मोबाईल , whatsapp,facebook यांची भाऊगर्दी झाली
नेटवरती एकच झुंबड उडाली
काही जणांना तरुणाईचा जोश लय भारी
म्हणूनच यांची मित्रमंडळी असतात न्यारी
रात्री- रात्री भटकण्यावर असतो त्यांचा जोर
आई- वडिलांच्या जीवाला लावतात घोर
काॅलेज बुडवून पार्टी , चित्रपटाला करतात मजा
आई-वडिलांना अंधारात ठेवून , देतात सजा
फॅशन म्हणू नका , पैशाची नुसती उधळण
वराती मागून घोडे नाचवू, असा त्यांचा पण
यापलीकडे दूरवर , उभा असतो एकटा
परिस्थितीच्या ओझ्याखाली , दबलेला असतो नेटका
ऐन तारुण्यात वडीलांचे छत्र हरवतं
ताईच लग्न ,आईच आजारपण परिस्थिती बदलतं
वेळेच्या आधीच पोक्त , झाल्यासारखं वाटतं
तरुणपण विसरून , ओझ्याखाली वाकाव लागतं
कुठे चंगळवाद , कुठे जबाबदारी एका नाण्याच्या दोन बाजू
म्हणूनच सांगते मित्रांनो, जरा भान ठेवून वागू
सौ. वर्षा प्रमोद चोपदार .