आईची महती
आईची महती
आईची महती
जन्म देणारी माय माऊली
लेकरांची पुण्याई असते
तिला न ठावे भेद जरासा
आई केवळ आई असते।।१।।
पशू, मानव माय सर्वांना
विश्वाची नवलाई असते
बाळासाठी ममता हृदयी
आई केवळ आई असते।।२।।
उदरात ओझे वागविते
त्रास साहुनी जन्मही देते
रक्ताच्या थेंबाचे दूध होते
बाळाला मायेने भरवते।।३।।
आई झोपली निवांत येथे
स्तनास तिच्या पिले लुचती
कुत्र्या सोबत मांजर पिल्लू
तिच्या दुधाची मजा लुटती।।४।।
माता पिलांचे नाते जगती
सर्व नात्याहून श्रेष्ठ असे
ईश्वराचे प्रेमरूप आई
जगी अलौकिक गोष्ट असे।।५।।