सण मकरसंक्रांतीचा

चला सण साजरा करू या मकरसंक्रातीचा

एकमेकांच्या भावनांचा आदर जपण्याचा

शुभेच्छा संदेश का होईना त्यांच्या आठवणींचा

या निमित्ताने का होईना शाब्दिक भेटीगाठीचा

नवीन वर्षातील सण आहे साऱ्या मानवजातीचा

तसाच ठरो साऱ्या आपल्या पक्षी प्राणी मित्रांचा

त्यांचेही ह्रदय आणि मन जपण्याचा

भाषा मुक्या जीवांच्या समजून घेण्याचा

संकल्प करू या निसर्गातील पक्ष्याना वाचविण्याचा

विरोध करू या पतंगाच्या जीवघेण्या धारधार मांज्याचा

त्यांना अधिकार देऊ या त्यांचे जीवन जगण्याचा

राखू या समतोल निसर्गाचा,साऱ्या प्राणी मित्रांचा

तिळगुळ वाटून एकमेकांचे तोंड गोड करण्याचा

आपसातील वाईट हेवेदावे कायम विसरण्याचा

मनातील सुडबुद्धीचा कायम पूर्ण विराम करण्याचा

हृदयाने ह्रदय मानवा मानवाचे प्रेमाने जोडण्याचा