बाप
बाप
1 min
289
आई घालते जन्माला
प्राण लावूनी पणाला
बाप करतो रक्षण
भीत नाही कोणाला
दिसे यातना कठीण
होई आईच आधार
कळे न विदीर्ण मन
होई बापाचा उद्धार
करी बाळ पराक्रम
जाई आईच्या कुशीत
बाप आणतो मिठाई
तरी नसतो मिठीत
येई छोटी अडचण
राही आठवत आई
येई मोठाले संकट
बाप ओठांवर येई
करी रात्रीचा दिवस
देई पोटास भाकर
मुखी हास्य फुलवाया
होई लोकांचा चाकर
माया, ममता, करूणा
साठा हा अंतरंगात
करू वंदन बापाला
जाण ठेवूनी जीवनात