पाणी आपले जीवन

पाणी जीवन सजीवांचे

पाणी असे अमृततुल्य 

थेंब थेंब पाण्याचा किमती

पाण्याचे जाणा वेळीच मुल्य

पिण्यायोग्य पाणी असे मर्यादित

करा बचत मिळणाऱ्या पाण्याची 

काटकसरीचे अवलंबावे तंत्र

गुरुकिल्ली असे ही जीवनाची

गोष्टीतला हुशार कावळा म्हणे

तहान भागवी माठात टाकून खडे

आज माठात नसे थेंबभर पाणी

कावळ्याचे प्रयत्नही पडले तोकडे

कावळ्यासम होईल आपलीही गत

पाणीसाठा जाईल जेंव्हा संपून

डोळ्यापुढे आजच आठवू भविष्य 

पाण्याचा वापर करु चला जपून

घरदार, शेतीवाडी वारसांना ठेवूच

सोबत पाणी, हवा, निसर्गही ठेवू

मोफत मिळालेली ही निसर्गभेट 

चला वारसांना प्रयत्नपूर्वक देवू

चला तर मग आजच लागू कामाला

सारे मिळू, पाणी अडवू, पाणी जिरवू 

पाण्याच्या थेंबा थेंबावर हक्क सजीवाचा

हा संस्कार बालपणीच मनामनांवर रुजवू!!!!