ह्या स्वप्नांचं मी काय करू ?

ह्या स्वप्नांचं मी काय करू ?

दिनरात छळतात , पळतात ...

ओघळतात अलगद वेळी- अवेळी

पुरतही नाही अन सरतही नाही 

ह्या स्वप्नांचं मी काय करू ?

एक ना धड भराभर चिंध्या ...

जगण्यास आधार देतात तर कधी

सावली बनून सोबत करतात ...

ह्या स्वप्नांचं मी काय करू ?

त्यांनी न पोट भरत ना मन ...

रडवतात तर कधी मन प्रसन्न

असून अडचण नसून खोळंबा

ह्या स्वप्नांचं मी काय करू ?

पिच्छा सोडत नाही सहसा  

 पण ... पूर्ततेकडे चालताना

हमखास देतात मज दगा

ह्या स्वप्नांचं मी काय करू ?

विरह जसा प्रेमीयुगलांचा ....

मी ही सैरभैर .हतबल ,.हताश

परंतु ध्यास मात्र निरंतर ,अनिवार