"मनातल्या मनात".....!
"मनातल्या मनात".....!
कधी वाटते डॉक्टर व्हावं ,
आजारांना बरे करावं .
पण ........
असेच काहीतरी वाटतेय मनात ,
दूसरचं काहीतरी व्हायचंय मला.
हो !!!
असेच काहीतरी वाटतेय मनात
खास काहीतरी व्हायचंय मला !
कधी वाटते सैनिक व्हावं ,
सीमेवरती युद्ध लढावं.
पण ........
असेच विचार येतात मनात ,
विशेष काहीतरी व्हायचंय मला!
कधी वाटते वकील व्हावं,
सत्याचाच साथ देवून,
अन्यायावर मात करावं .
पण ........
असेच काहीतरी वाटतेय मनात,
अन् दुसरंच काहीतरी व्हायचंय मला !
. कधी वाटते शिक्षिका व्हावं ,
ज्ञान - अमृताचे रोपटं लावावं ,
अन् साक्षरतेचं राज्य घडवावं . पण .....
असेच काहीतरी वाटतेय मनात ,
वेगळंच काहीतरी व्हायचंय मला!
कधी वाटते शास्त्रज्ञ व्हावं ,
एकाग्रतेने शोध घ्यावं ,
अन् शास्त्रज्ञाचं पद कमवावं .
पण ..
असेच काहीतरी वाटतेय मनात ,
मला स्पेशल काहीतरी व्हायचंय जगात !
कधी वाटते गृहिणी व्हावं ,
आई-वडिलांंनचे नाव गाजवावं .
अनेक विचार फिरताना डोक्यात ,
असेच वाटतंय मनातल्या मनात !!!