दसरा

नवरंगांची उधळण करत

आली आली नवरात्र

शारदेच्या मंगल पूजनाने

झाली सुखमयी प्रत्येक रात्र... १

नवरात्रीत चला करूया

सारे दुर्गाशक्तीचा जागर

दसऱ्याच्या पवित्र पर्वाला

घर व्हावे सुखांचे आगर... २

लुटूया सोने आनंदाचे

विचारांचे करू सीमोल्लंघन

होईल आज दसरा साजरा

कुप्रथांचे करूया उल्लंघन... ३

सोन्यासारखे चला जपूया

आपल्या सर्वही आप्तेष्टांना

वागून, बोलून, प्रेमाने, मायेने

सुखी ठेवूया नातलगांना... ४

दसऱ्याच्या या शुभ दिवशी

स्वतःतील रावणाचे करू दहन

दसऱ्याच्या सर्वांना शुभेच्छा

व्हावे आज अंधश्रद्धेचे पतन... ५