जात आणि जातीवाद...

जात आणि जातीवाद...

स्वप्न माझे आहे विशाल

घेणार मी गगनी भरारी

मनगटात माझ्या बळ

आहे बाणा माझा करारी... {१}

जरी खालच्या जातीतली मी

रीतसर सर्व शिक्षण घेते

नोकरीसाठी मारते चकरा

जेव्हा जात आडवी येते... {२}

प्रियकराशी ठरणार होते लग्न

पण माझी जात नाकारली गेली

जेव्हा कळले आमच्या प्रेमाबद्दल

तेव्हा माझी जात आडवी आली... {३}

काही बोलायची सोय नाही

कसे दडपून टाकावे जातीला ?

कसे विसरून जावे मी ?

या माझ्या जन्मदात्या मातीला... {४}

घेतले कितीही शिक्षण जरी

तरी काय शिक्षणाचा फायदा ?

भारतात बदल घडेल तेव्हाच

जेव्हा बदलेल कायदा... {५}