देशभक्तीपर काव्य
देशभक्तीपर काव्य
या भूमीची माती लावू आम्ही अपुल्या माथी ।
या देशाचे रक्षण करण्या सदैव उघडी छाती ।।
प्राणाहूनही प्रिय आम्हाला अमुचा हिंदुस्थान ।
त्याच्यासाठी प्राणाचेही देऊ आम्ही बलिदान ।।
प्रेमाने वागणे, वागवणे ही इथली संस्कृती ।
निभावतो आम्ही प्राणपणाने मित्रत्वाची नाती ।।
देऊ भलेही कासोटीची सोडुनिया लंगोटी ।
नाठाळाचे माथी हाणू वेळप्रसंगी काठी ।।
नापाक इरादे तुझे कधीही होणार नाही साध्य ।
हाणून पाडण्या डाव दुश्मना, आहोत आम्ही सिद्ध ।।
रात्रंदिन रक्षितो देश हा घालून आम्ही लक्ष ।
सावधान दुश्मना रहावे आहोत आम्ही दक्ष ।।