सहज लागतो ठसका

सहज लागतो ठसका

वाटतं आठवण काढतंय कुणी

घशात अडकतो घास

उगाच शंका येते मनी

घोट घेते एक पाण्याचा 

थोडं निवांत व्हायला 

ठसका निघुन जातो क्षणात

सोडून डोळ्यात पाणी...

मग येतो विचार 

यावेळी ..?अवेळी...

कॅलेंडर फडफडतं भिंतीवरचं

तारखा ओशाळतात ओंजळी

चघळावी खडीसाखर हलकी

वेदना शमवाया जीवघेणी

ठसका मिसळतो गोडव्यात

तारखा बदलतात पानोपानी

कळत नसतं असं नाही

पण समजवत नाही कुणी

निःशब्द असतं सांत्वन

बोलतात ओंजळीत आठवणी