लाडकी मायबोली
लाडकी मायबोली
मराठी आमुची लाडकी मायबोली ॥धृ ॥
जीवनाचे पहिले बोलं बोबडे बोली
गोष्ट चिऊकाऊची , गाणी चाऊमाऊची
गोष्ट सांगते शुरवीरांची आमुची माऊली
मराठी आमुची लाडकी मायबोली ॥ १ ॥
इतिहास हा उमगला तिच्या शब्दांनी
जगाची ओळख झाली तिच्या नजरांनी
पाठीवरी हात फिरवी मायेची मायबोली
मराठी आमुची लाडकी मायबोली ॥ २ ॥
आनंद व्यक्त होती, खळखळूनी हसती
सुखदु:खाची सोबती आमुची मायबोली
सुविचारांचे मंथन ज्ञानेश्वरी माऊली
मराठी आमुची लाडकी मायबोली ॥ ३ ॥
मराठी बाणा मराठी कणा मायबोली
माणूसपण घडविते मराठी मायबोली
भावणांचा फुलोरा अशी मायबोली
मराठी आमुची लाडकी मायबोली ॥ ४ ॥