Exclusive FREE session on RIG VEDA for you, Register now!
Exclusive FREE session on RIG VEDA for you, Register now!

Ramachandra sagar

Abstract Inspirational


2  

Ramachandra sagar

Abstract Inspirational


ಸ್ನೇಹದ ಹಾದಿಯಲಿ

ಸ್ನೇಹದ ಹಾದಿಯಲಿ

1 min 72 1 min 72

ಪ್ರೀತಿಯ ಕೊಳದಲಿ ಅರಳಿದ ಕುಸುಮವೇ

ಗೆಳತಿ ನಿನ್ನ ನಗುತುಂಬಿದ ಮೊಗವಲ್ಲವೇ


ಪ್ರೇಮದ ಮನದಲಿ ಒಲವಿನ ನರ್ತನವೇ

ಗೆಳತಿ ನಿನ್ನ ಸವಿ ನೆನಪುಗಳ ಕೃಪೆಯಲ್ಲವೇ


ಸ್ನೇಹದ ಹಾದಿಯಲಿ ಕೈಡಿದ ಜೀವವೇ

ಗೆಳತಿ ನಿನ್ನ ವಾತ್ಸಲ್ಯದ ಮೋಹವಲ್ಲವೇ


ಕಾನನದ ಕಂದರದಲಿ ಬೆಳಗಿದ ದೀಪವೇ

ಗೆಳತಿ ನಿನ್ನ ನಗುವಿನ ಕಿರಣವಲ್ಲವೇ


ಬಾಡಿದ ಬದುಕಿನಲಿ ಭರವಸೆಯ ಆಸರೆಯೇ

ಗೆಳತಿ ನಿನ್ನ ಮಮತೆಯ ಬಂಧನವಲ್ಲವೇ


ಕಾಡುವ ಬಯಕೆಯಲಿ ನಿತ್ಯದ ತೊಳಲಾಟವೇ

ಗೆಳತಿ ನಿನ್ನ ವಿರಹದ ಪಾಶದ ವಿಷವಲ್ಲವೇ


ಭಾವಭವದ ಉಸಿರಿನಲಿ ಬೆಸೆದ ಜೀವವೇ

ಗೆಳತಿ ನಿನ್ನ ಪಾವನ ಹೃದಯವಲ್ಲವೇ


ನೋವಿರದ ನೌಕೆಯಲಿ ಹರುಷದಾ ರಾಶಿಯೇ

ಗೆಳತಿ ನಿನ್ನ ಸಾರಥ್ಯದ ಛಲವಲ್ಲವೇ


ಒಲವಿನ ಮನೆಯಲಿ ಪ್ರೇಮಾಮೃತದ ಅಕ್ಷಯವೇ

ಗೆಳತಿ ನಿನ್ನ ಸೌಜನ್ಯದ ಕೈಸೆರೆಯಲ್ಲವೇ


ಅನುರಾಗದ ಅಲೆಯಲಿ ಅಪ್ಪಿದ ಸುಖವೇ

ಗೆಳತಿ ನಿನ್ನ ಔದಾರ್ಯದ ಉಡುಗೊರೆಯಲ್ಲವೇ


Rate this content
Log in

More kannada poem from Ramachandra sagar

Similar kannada poem from Abstract