Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Prerana Kulkarni

Inspirational Others

3  

Prerana Kulkarni

Inspirational Others

ಇದುವೇ ಜೀವನ...

ಇದುವೇ ಜೀವನ...

1 min
11.6K



ಇದುವೇ ಜೀವನ...


 ನನ್ನ ಕೈಯಲ್ಲಿರುವ

ಬಣ್ಣಬಣ್ಣದ ಬಲೂನುಗಳು

ಚಿಣ್ಣರ ಮೊಗದ ಮೇಲೆ

ನಗುವಿನ ದೀಪವನ್ನೇನೋ

ಬೆಳಗಿಸುತ್ತಿತ್ತು...


ಆದರೆ ಒಳಗೊಳಗೇ

ಮನಸೆಕೋ

ಮೌನವಾಗಿಯೇ

ಅಳುತ್ತಿತ್ತು..


ಬಾಲ್ಯದಿಂದಲೂ

ಕೈಯಲ್ಲಿ ಹಿಡಿದು

ಮಾರಿದ್ದು ಈ 

ಗಾಳಿತುಂಬಿದ ಚೀಲ...


ಆದರೆ ಒಂದೂ ದಿನ 

ಹಿಡಿದು ಆಡದೆ 

ಕಳೆದೆ ಹೋಯಿತಲ್ಲ

ನನ್ನ ಬಾಲ್ಯ...


ಹೊತ್ತುಹೋತ್ತಿಗೆ 

ಹಸಿದು ಡೊಂಬರಾಟವ

ಮಾಡುವ ತುತ್ತಿನಚೀಲವ

ತುಂಬಿಸುವದೇ ನನ್ನ

ಜೀವನವಾಗಿದೆ ಈಗ...


ಜ್ವರಬಂದು 

ಬಿದ್ದೇಬಿಡುವೇನೋ

ಎನ್ನುವ ಬವಳಿಕೆಯಲ್ಲೂ

ಹೊಟ್ಟೆಯಲ್ಲಿದ್ದ

ಉಸಿರನ್ನೆಲ್ಲ

ಎಳೆದೆಳೆದು ತುಂಬಿದ್ದೆ

ಈ ಬಲೂನುಗಳಲ್ಲಿಯೇ..


ಮನೆಗೆ ಹೋದಾಗ 

ಅಣ್ಣಬಂದ ಅಂತ

 ಓಡಿಬರುವ

ಹಸಿದು ಕಂಗಾಲಾಗಿರುವ

ತಂಗಿ ತಮ್ಮರ ಹೊಟ್ಟೆಗೆ

 ಅನ್ನ ಕಾಣಿಸಲು

ಮಾರುತಲಿದ್ದೇ ಅಂದೂ

ಇದೇ ಬಲೂನುಗಳ..


ಇಲ್ಲಿ ಎಲ್ಲವೂ ಬದಲಾಗಿದೆ

ಬಲೂನಿಗೆ ಕೈ ಒಡ್ಡುವ

ಚಿಣ್ಣರ ಮುಖಗಳು

ಬದಲಾಗಿವೆ...


 ಆದರೆ ಬದಲಾಗದೇ 

ಇರುವದು ಈ

ಸಮುದ್ರತೀರದ ಮರಳು,

ನಾನು ಮತ್ತು ನನ್ನ 

ಕೈಯಲ್ಲಿರುವ ಈ 

ಬಣ್ಣಬಣ್ಣದ ಬಲೂನುಗಳು...




Rate this content
Log in