તરણેતરનો મેળો
તરણેતરનો મેળો
ત્રિનેત્રેશ્વરમાં શિવ ધોમ ધૂણી ધખાવે
ઈતિહાસનો પૌરાણિક સ્વાદ ચખાવે
નજરો મળતી તરણેતર ભર યૌવને
હૈયા એકરાર કરે ત્યાં પ્રેમના સ્તવને
મલક મનખ્યો તરણેતરને મેળે મળે
કુંવારા રહેનાર યુવાનોના મેણા ટળે
શ્રાવણ વિશ્રામ વરસી સરુડા થાક્યા
પાંચાળે લીલાછમ મોલ પ્રેમ પાક્યા
ભાતભાત વેશ દુહા ને છંદની રમઝટ
મળે જો પ્રિયતમ તો મટે મોટી ઝંઝટ
ઋષિપંચમીએ યુવા ખોલે મસ્તીનું દ્વાર
તરણેતર જાણે બને ગંગા ને હરદ્વાર
ત્રિનેત્રેશ્વરમાં શિવ ધોમ ધૂણી ધખાવે
ધર્મ સંસ્કૃતિ ને પ્રેમની વાતો લખાવે.