કણકણનો અવતાર

ઓમથી આકારમાં છે શબ્દનો સંસાર હું જાણું જ છું,

શબ્દથી દુનિયા મહીં સાચો બને શણગાર હું જાણું જ છું.

ઝાડમાં તું બીજ છે ને, બીજમાં તું ઝાડ છે, કણકણ બની,

એજ કણકણનો ખરો તું એક છે અવતાર હું જાણું જ છું.

આપવું છે શબ્દને મારે હતું એ કાળ રૂપ પાછું બધું,

વેદ,શંકર નો હતો એ સત્યનો આકાર હું જાણું જ છું.

કામ મારે એટલું કરવું અહીં ભેગાં મળી સતકારનું,

જન્મનો મારો ખરો એ કામનો કિરદાર હું જાણું જ છું.

શબ્દથી જે થાય છે સાચો બધે અજવાસ હું જાણું જ છું,

બોલતાં ના આવડે તો થાય છે અંધાર હું જાણું જ છું.