એવું લાગે છે

તુ હજુ પણ મને જોતી હોવ, 

એવું લાગે છે, 

મને રડતો જોઈ,

તુ પણ રોતી હોવ, 

એવું લાગે છે, 

તારું નામ મનમાં આવે, 

પગ થંભી જાય છે,

મનને ખાલીપો જીરવાય છે, 

સમય આખો થંભી જાય છે, 

ઉપરથી તુ જાણે કંઈક કહેતી હોવ  

એવું લાગે છે, 

મને એકલો જોઈ, 

તુ અહીંયા જ કંઈક આસપાસ રહેતી હોવ, 

એવું લાગે છે, 

હસતા હસતા તુ યાદ આવે, 

અચાનક ગંભીર થઈ જવાય છે, 

આસપાસનો ખ્યાલ ન રહે, 

બસ તારામય થઈ જવાય છે, 

મારો વિયોગ, તુ પણ સહેતી હોવ, 

એવું લાગે છે, 

મને એકલો જોઈ, 

તુ અહીંયા જ ક્યાંક આસપાસ રહેતી હોવ,

એવું લાગે છે... 

તુ હજુ પણ મને જોતી હોવ, 

એવું લાગે છે, 

મને રડતો જોઈ,

તુ પણ રોતી હોવ, 

એવું લાગે છે.