Harshida Dipak

Others Romance


3  

Harshida Dipak

Others Romance


મીઠાં વિયોગનું ગીત

મીઠાં વિયોગનું ગીત

1 min 13.8K 1 min 13.8K

તારી મારી યાદની મૌસમ આવી છે અલબેલી,

ફૂલ, કળીઓ, ડાળી આખી થઇ ગઈ ઘેલી ઘેલી.


વનવનમાં ભમરાઓ ડોલે,

મધ મીઠાં સપનાઓ ખોલે,

સાજ સજીને પ્રીત પીયુંનાં અંતરને અડકેલી,

ફૂલ, કળીઓ, ડાળી આખી થઇ ગઈ ઘેલી ઘેલી.


વસંત ધેલો ડોલે વાયુ,

કેસુડાંએ કંઇક તો પાયું !

અંગ અધૂરા રંગાવાની લાગી તાલા વેલી,

ફૂલ, કળીઓ, ડાળી આખી થઇ ગઈ ઘેલી ઘેલી.


મનમાં ઝીણું ઝીણું નાચે,

મોર ટહુકો પીયુ વાંચે,

મોરપીંછનાં સંગે રાધા હૈયામાં હરખેલી,

ફૂલ, કળીઓ, ડાળી આખી થઇ ગઈ ઘેલી ઘેલી.


Rate this content
Originality
Flow
Language
Cover Design