Quotes New

Audio

Forum

Read

Contests


Write

Sign in
Wohoo!,
Dear user,
થપ્પો...
થપ્પો...
★★★★★

© Varsha Tanna

Others

1 Minutes   7.0K    5


Content Ranking

મા, મારે નથી રમવું થપ્પો,
પહેલાં હું છૂપાતી અને તું મને શોધાતી.
પળવારમાં હું તને મળતી,
આ તો તું છૂપાઈ
હું તને શોધું... સાદ પાડું
સંભળાય માત્ર મને પડઘો
હું ગઈ રસોડામાં
સુખડીની સોડમ ડૂસકાં ભરે
ઠાલાં વાસણ સાવ ચૂપચાપ હિબકાં ભરે
નળથી પાણી દડદડે
ના જોવાયું ના સહેવાયું
વળી હું મંદિર ભણી
મંદિરમાં દીવો એકલો એકલો બળે
ભજન અને ઘટંડીનો નાદ ના ભળે
કરમાયેલા ફૂલો મારી નજરને આમળે
હું કરમાણી થોડી વિંધાણી
દોડી તારા ઓરડા ભણી
ખોલ્યો તારો કબાટ
તારા જેવો સ્વસ્થ અને સ્વચ્છ
તારા જેવો જ વહાલો વહાલો
એક સાડી કાઢી તારી મનગમતી
ઓઢી લીધી મેં... મા તું મને મળી
મળી મને તારી જપ્પી
મળી ગઈ મને તારી પપ્પી

Mother કવિતા

Rate the content


Originality
Flow
Language
Cover design

Comments

Post

Some text some message..