એક દિન

પંખ વિણ ઊડીશ નભમાં એક દિન,

પી જઇશ દરિયો હું ઘુંટમાં એક દિન,

તારલા તોડીશ ચમકતા આ બધા,

ને પછી વાવીશ ભોંયમાં એક દિન,

ભોંયથી બે ગજ ઉપર છે ચાલવું,

પાડવું છે કાણુ પવનમાં એક દિન,

મોરપીંછ તણો મુગટ માથે મુકીશ,

બાદમાં નાચીશ બાગમાં એક દિન,

એકવાર કહી દઇશ એને બધું,

બાદમાં ધબકીશ દિલમાં એક દિન,

જીવવું શું કામ આ રીતે ડરી,

મોતને લેવું છે બાથમાં એક દિન,

છોડવું એને નથી બીલકુલ 'જશ',

આવશેને ક્યાંક ઘાટમાં એક દિન.