શું છે માનવજીવન વ્હાલા ?

માનવજીવન શું છે વ્હાલા,

ચાલ તને સમજાવું ;

ચાલ તને સમજાવું રે વ્હાલા,

ચાલ તને સમજાવું !

માનવજીવન એટલે ચાર તબક્કા જીવનના;

ચાર તબક્કા જીવનનાં રે વ્હાલા,

ચાર તબક્કા જીવનનાં !

પહેલો તબક્કો એ બાળપણ રે વ્હાલા,

પહેલો તબક્કો એ બાળપણ,

મોજ, શોખ, આનંદ, ઉત્સાહ, જીજ્ઞાસા

ને કુતૂહલનો આ તબક્કો રે વ્હાલા,

પહેલો રે આ તબક્કો વ્હાલા.

ચાર તબક્કા જીવનનાં રે વ્હાલા,

ચાર તબક્કા જીવનનાં !

બીજો તબક્કો એ યુવાની રે વ્હાલા,

બીજો તબક્કો એ યુવાની,

તરવરાટ, ઉમંગ, ઉત્સાહ, આઝાદી, કલ્પના

ને રોમાંચનો આ તબક્કો રે વ્હાલા,

બીજો રે આ તબક્કો વ્હાલા.

ચાર તબક્કા જીવનનાં રે વ્હાલા,

ચાર તબક્કા જીવનનાં !

ત્રીજો તબક્કો એ પ્રૌઢાવસ્થા રે વ્હાલા,

ત્રીજો તબક્કો એ પ્રૌઢાવસ્થા,

અનુભવ, પરિપક્વતા, જવાબદારી, આશા

ને ઉમ્મીદનો આ તબક્કો રે વ્હાલા,

ત્રીજો રે આ તબક્કો વ્હાલા.

ચાર તબક્કા જીવનનાં રે વ્હાલા,

ચાર તબક્કા જીવનનાં !

ચોથો તબક્કો એ વૃદ્ધાવસ્થા રે વ્હાલા,

ચોથો તબક્કો એ વૃદ્ધાવસ્થા,

જીર્ણતા, પૂર્ણતા, બીમારી, નિવૃત્તિ

ને ભક્તિનો આ તબક્કો રે વ્હાલા,

ચોથો રે આ તબક્કો વ્હાલા.

ચાર તબક્કા જીવનનાં રે વ્હાલા,

ચાર તબક્કા જીવનનાં !