જરા ડર લાગે છે.
જરા ડર લાગે છે.
તુ તો ભલે મને કહે, કે લાવ તને સોનેરી એક સ્વપ્ન આપુ,
પણ જે મારા હિસ્સામા નથી, એ સુખ ઉછીનુ લેતા જરા ડર લાગે છે.
તુ તો ભલે મને કહે, કે આવ તને ખુશીનો એક ટુકડો આપુ,
પણ નાનકડા એ ટૂકડાની કિમ્મત વિચારતા જરા ડર લાગે છે.
તુ તો ભલે મને કહે, કે ચાલ તારા હોઠ પર એક સ્મિત આપુ,
પણ એ જ સ્મિતની પાછળ ખળભળતા દરિયાનો જરા ડર લાગે છે.
તુ તો ભલે મને કહે, કે શું આ બેરંગી જિવનમા રંગ ભરી આપુ?
પણ નસીબે લખાયેલી આ અળખામણી કાળાશનો જરા ડર લાગે છે.
તુ તો ભલે મને કહે, કે અત્યારે જ હુ તને મારા થોડા ધબકાર આપી દઉ,
પણ મારામા જ પડેલી આ મારી જ બેજાન લાશનો જરા ડર લાગે છે.