જૂની યાદોમાં આજે
જૂની યાદોમાં આજે
1 min
6.8K
જૂની યાદોમાં મન લપેટાય આજે,
કશુંક થોડું તેમાંથી ઉલેચાય આજે.
યાદોના એ ઉબડખાબડ રસ્તે ચાલતાં,
કાંટાળું એક જાળું વીંટળાય આજે.
કારણ વિના કેટલું બોલ્યા'તા તમે,
અવાજોના એ પડઘા સંભળાય આજે.
આપ તો કદાચ ગયા હશો બધું ભૂલી,
કાને એ બધા શબ્દો અથડાય આજે.
આવતાં યાદ આજે જૂનાં સંસ્મરણો બધાં,
હૈયું અમારું આ કેવું વલોવાય આજે.
થોડોક વાંક હશે અમારો પણ કદાચ,
કેટલીક ભૂલો તો 'જશ' સમજાય આજે.