અલબેલી મૌસમ

તારી મારી યાદની મોસમ આવી છે અલબેલી 

ફૂલ - કળિયો ડાળી આખી થઈ ગઈ ઘેલી ઘેલી,

વનવનમાં ભમરાઓ ડોલે,

મધમીઠાં સપનાં ખોલે 

સાજ સજીને પ્રીત પિયુનાં અંતરને અડકેલી ,

ફૂલ - કળિયો ડાળી આખી...

વસંત ઘેલો ડોલે વાયુ, 

કેસૂડાએ કૈંક તો પાયું. 

અંગ અધૂરા રંગાવાની લાગી તાલાવેલી,

ફૂલ - કળિયો ડાળી આખી....

મનમાં ઝીણું ઝીણું નાચે,

મોર  ટહુકો પિયુ વાંચે.

મોરપીંછના સંગે રાધા હૈયામાં હરખેલી,

ફૂલ - કળિયો ડાળી આખી...