ના હોય

બે નાજુક દિલોની જ્યાં કામના હોય, 

ત્યાં ચાલાક મગજનું કંઈ કામ ના હોય,

માણસો જ્યાં મહેનતી, કામનાં હોય,

મહેનત ત્યાં કદીય નાકામ ના હોય, 

સમજદાર લોકો જ તો ગામના હોય, 

બાકી ગાંડાઓનાં કોઈ ગામ ના હોય, 

મનથી ભજનાર ભક્ત રામના હોય,

અસૂરોનાં મુખે કદી 'રામ' ના હોય, 

આળસુનાં બહાના આરામનાં હોય,

પણ મહેનત કરનારને આરામ ના હોય, 

નિ:સ્વાર્થ મિત્રો સહુ શ્યામનાં હોય, 

પણ સ્વાર્થીનો મિત્ર કદી શ્યામ ના હોય, 

સંબંધો અમુક માત્ર નામનાં હોય, 

અમુક અટૂટ સંબંધોનાં નામ ના હોય !