તરસ
તરસ
1 min
1.2K
સહરાની તરસથી તને ચાહુ છું
અને મૃગજળની જેમ તને પામુ છું.
વૃક્ષની જેમ સતત તારા પર ઝૂકુ છું
અને છાંયડાની જેમ તને ઝંખુ છું.
બંધ પાંપણમાં તને શ્વસું છું
અને ચુંબકની જેમ તને સ્પર્શું છું.
પાણીમાં સરક્તી રેતીની જેમ પકડું છું
અને વાદળની જેમ તારા પર વરસું છું.
શમણાઓનાં બાગમાં તને શોધું છું
અને મીઠાનાં રણ વચ્ચે તને જોઉં છું.
તારા નામનાં આકાશમાં ઊડું છું
અને તારા વિચારોમાં સતત ભટકું છું.