હરિ તારા હાથમાં રે...!
હરિ તારા હાથમાં રે...!
સકળ સૃષ્ટિનું કમઠાણ હરિ તારા હાથમાં રે.
પ્રભાતે પૂર્વે ઉગાડે ભાણ હરિ તારા હાથમાં રે.
ચાંદો સૂરજ ઝળહળતા આપે અવનીને પ્રકાશ
તોયે એ કદી ના માગે દાણ હરિ તારા હાથમાં રે.
આપે અખૂટ અન્નભંડારો ધરા પામીને વરસાદ,
નથી નદી કે સમદરની તાણ હરિ તારા હાથમાં રે.
જીવમાત્રને તું પોષનારો કીડીથી કુંજરનો ખ્યાલ,
ભક્તોનું તારે ભરોસે વ્હાણ હરિ તારા હાથમાં રે.
મહાપાપીને પણ તું જીવાડતો સુધરવાની આશ,
છે તારી કરુણાનું એ પ્રમાણ હરિ તારા હાથમાં રે.