ૐ નમ: શિવાય;

સ્મરણ સદા તાજું રહેવાનું નમ: શિવાય ૐ નમ: શિવાય;

ભાંગ; ધતૂરો; અમૄત જાણું નમ: શિવાય ૐ નમ: શિવાય !

તને અમસ્થો યાદ કરું ત્યાં પ્રગટે છે આંખોના દીવા;

ગઝલ-ગીતમાં તને સજાવું નમ: શિવાય ૐ નમ: શિવાય !

દીવાલની આ પાર વસું હું; દીવાલની ઓ પાર વસે તું--

દૄશ્ય ભલેને ઝાંખુંપાંખું નમ: શિવાય ૐ નમ: શિવાય !

કોણ કહે છે અભિન્ન છીએ ભિન્ન છતાં પણ એક જ છીએ;

જો તડપે તું મળવા આવું નમ: શિવાય ૐ નમ: શિવાય !

ટોચ ઉપર તું એકલવાયો નીચે ઊતરે તો તું જણે--

છે જ નહીં કંઈ અંતર ઝાઝું નમ: શિવાય ૐ નમ: શિવાય !