રમકડાએ કરી રાવ
રમકડાએ કરી રાવ
1 min
7.2K
રમકડાએ આજે કરી છે રાવ,
આવ્યો મોબાઈલ ને અમારા, ઘટી ગ્યા છે ભાવ,
રમકડાએ આજે કરી છે રાવ,
ભાંગી તુટી રમવાનું હોય, તોય આનંદ આવતો,
આળોટતા એ ધુળનોય, સ્વાદ અમને ભાવતો,
જખમ એ ડિલનો ભરાય, ન ભરાય દિલના ઘાવ,
રમકડાએ આજે કરી છે રાવ,
ટેકનોલોજી સાથે સાથે અમનેય સમય આપો,
સાચી ખૂશી શામાં છે? ક્યારેક તો એ માપો,
મારી દિલમાં ડૂબકી, સાચા તથ્ય સુધી તો જાવ,
રમકડાએ આજે કરી છે રાવ,
અમે અમારી અંદર ઘણી લાગણીઓને ઠાંસી છે,
બાકી દુનિયા મોબાઈલની, સર્વસ્વ આભાસી છે,
ફેંકી દવ હું આજે એને અહીં એ ડબલું લાવ,
રમકડાએ આજે કરી છે રાવ,