વર્ષા

એક એ 'વર્ષા' હતી જેમાં,

અમે ભીંજાઇ જતા હતા.

એક આ 'વર્ષા' છે જેમાં,

યાદો જ ભીંજાય છે.

એક એ સાવન હતો જેમાં,

નીતરતા હતા અંગે અંગ.

એક આ સાવન છે જ્યાં,

પલડીને કોરા રહી જવાય છે.

એક એ 'વર્ષા' હતી જેનો,

હતો એક આહલાદક સ્પર્શ.

એક આ 'વર્ષા' છે જેના,

ઝાપટા અસહ્ય થઈ જાય છે.

એક એ વીજળી હતી જેની,

રોશની હતી મનમોહક.

એક આ વીજળી છે જેના,

કડાકા દિલ દુભાવી જાય છે.

એક એ હવા હતી જેનો ,

લાગતો ઠંડો મીઠો સ્પર્શ.

એક આ હવા છે જે,

ફફડાટ ફેલાવી જાય છે.

એ પણ 'વર્ષા' મૌસમ હતી ,

આ પણ છે એ જ મૌસમ.

સમય જેમ જેમ બદલાય છે,

ઋતુ પણ બદલાઈ જાય છે.