ભાઈબંધ! આવી ગઈ દિવાળી...

ભાઈબંધ! આવી ગઈ દિવાળી...

ચાલો, દિવા પ્રગટાવીએ, શંકાઓને બાળી,

ઓજસ અંધારે પાથરીએ, ખુદને જરા અજવાળી.

રૉકેટ સાથે બાંધી, ચિંતાઓ મોકલી દઈએ દૂર,

દાડમ માફક ફુવારા કરીયે, સ્નેહના ભરપૂર.

સંબંધોમાં મીઠાઈની મીઠાશ દઈએ ઢાળી...

ભાઈબંધ! આવી ગઈ દિવાળી...

સૌને મળીયે, એવી રીતે ખુદને આજે મળીયે,

કોઈ હ્રદયના ફળિયે, 'દર્પણ' રંગોળી થઈ ફળીએ,

બૂઝતા દિવે તેલ પુરીયે, ક્ષમાનું સંભાળી...

ભાઈબંધ! આવી ગઈ દિવાળી...