'પંખી પારેવડું' (ગીત) -મનન
'પંખી પારેવડું' (ગીત) -મનન
પંખી પારેવડું કિલ્લોલ કરતું,
કેવું મજાનું પેલું પંખી પારેવડાનું જોડલું જી રે..
ચાંચમાં તે ચાંચ નાખી કલબલાટ કરતું,
પંખ પસારતું ને ફરફરાટ કરતું;
પંખી પારેવડાનું જોડલું જી રે..
વીણીને એક એક લાવે તણખલુ,
માળો મજાથી જો ને કેવો બનાવતું;
પંખી પારેવડાનું જોડલું જી રે..
વેર્યા છે દાણા ચોકમાં ચબુતરે,
ચણવાને સાથ ઉડી જાતું;
મજાનું પેલું પંખી પારેવડાનું જોડલું જી રે..
હોલા, કાબર ને ચકલાં પોપટ સંગ,
કલરવની દુનિયા ખીલાવતું મજાનું;
પેલું પંખી પારેવડાનું જોડલું જી રે..
કિલ્લોલ કરતું...