મા
મા
દર્દ મારાં ચાખનારી મા જ છે,
સુખ બધાએ આપનારી મા જ છે,
દર્દ આવે જો જગતનાં સામટાં,
એ બધાંને કાપનારી મા જ છે,
આફતોમાં બાળકો અટવાય તો,
નાવ થઇને તારનારી મા જ છે,
આંચ આવે ના મને ઊણી કદી,
રોજ બાધા રાખનારી મા જ છે,
કોઇ દી લાગે નજર ના કોઇની,
ટીકો પણ ચોટાંડનારી મા જ છે,
દર્દ ભૂલી તાપમાં પાલવ સદા,
હેતથી ઓઢાડનારી મા જ છે,
હેત મા નો સ્વર્ગથી છે સો ઘણો,
પ્રેમ એ વરસાવનારી મા જ છે,
પ્રેમ સૌને આપવો ભૂલી બધું,
ભાવ એવા પૂરનારી મા જ છે.