અફસોસ
અફસોસ
1 min
6.9K
અફસોસ
મૂશળધાર વર્ષાના ઈંતઝારમાં,
ઝાકાળનું એકયે ટીપું ન સ્વીકાર્યું.
સવાર થતાં જોયું તો
હું તદ્દન જ સૂકી હતી.
રેગિસ્તાનમાં પવનનો સ્પર્શ થતાં,
પાગલ બની એની પાછળ દોડી
ઘણા લાંબા સમય પછી જોયું તો
એ જ મહાસાગરમાં જહાજ ડૂ....બા....ડી રહ્યો હતો.
પૃથ્વી પર મોતી બનવાની લાલચથી
આભના વિશાળ બાહુ તરછોડી દીધાં.
ધુમ્મસ દૂર થતાં જોયું તો
મારું અસ્તિત્વ ધૂળમાં રગદોળાઈ ગયું હતું.