બે હૈયાનું અદ્ભૂત મિલન
બે હૈયાનું અદ્ભૂત મિલન
1 min
1.3K
મારી ને તમારી મુલાકાત હતી,
આપણાં એ હૈયા તણી વાત હતી.
લાગણીઓ મેં છુપાવીને રાખી હતી,
જોઈ તને એ મનોમન છલકાતી હતી.
આવીને બેઠાં તમે પાસે મારી,
વાતની આપણી શરૂઆત હતી.
ન કશું બોલી શક્યાં તમે, ન હું કશું બોલ્યો,
છતાંય લાગણીની એ ભિનાશ છવાતી હતી.
ને તમે એ મનની વાત મૂકી હળવેકથી,
ને હૈયાની એ ઉર્મિઓ હરખાતી હતી.
મારી એ વાતને કબૂલ કરી મેં,
આવીને દ્વાર હૈયાના ખટખટાવતી હતી.
ખોલ્યો દરવાજો મેં હ્રદયનો મારો,
ત્યાં લાગણી તમારી બોલાવતી હતી.
ભેગા થયાં અંતરનાં એ સૂરો આપણાં
એ તો વાતાવરણને રંગીન બનાવતી હતી.
એ દ્રશ્યની વાત ન પૂછો તમે "મિત્ર"
બનીને જીવનસાથી એ નજીક આવતી હતી.