પ્રેમનું મુખ પર રટણ પણ રાખજે.
પ્રેમનું મુખ પર રટણ પણ રાખજે.
પ્રેમનું મુખ પર રટણ પણ રાખજે.
એક ગમતીલું વલણ પણ રાખજે.
પાસ બોલાવું તને જો, તો પછી,
આવવાનું તું ચલણ પણ રાખજે.
જાણ થાશે જો નગરમાં આપણી,
કાળજું તારું કઠણ પણ રાખજે.
વાયદા મળવાં કર્યા છે એટલે,
આંગણે ભીનું ઝરણ પણ રાખજે.
ઊછળી રહે જો સમુંદર ખૂબ તો,
પાધરું દરિયે તરણ પણ રાખજે.
ડૂબતા મળશે કિનારો જે ભણી,
લાગણીઓનું સ્મરણ પણ રાખજે.
ભીડમાં ક્યારેક આવું હું જડી,
તું "ખુશી"ઓનું વરણ પણ રાખજે.