અનુકૂલન..
અનુકૂલન..
1 min
13.5K
મેઘધનુષી પરિધાન ધારણ કરી ટહેલું તો,
અંતરના અહેસાસને ટહુકા ચુંબન કરે.
ને ગુલમહોરને નિરખીને ખિલેલો આ તડકો,
અસ્તિત્વમાં ગરમા ગરમ જીવતું જોબન ભરે.
ગરમાટા માં ગરમાટો કહે છે ગરમીને કાપે,
તને નિરખું ને વજૂદ મારૂં એમ કુંદન બને.
ક્યાં વિસામો છે યાતાયાતનેય આ સડક પર
ઉંઘેલી આળસમાંય ભરબપોરે યૌવન ભરે.
પછી તો બળબળતી એક ક્ષણે તારું એક સ્મિત,
શિતળતાની લહેર તારા ગાલનું ખંજન બને.
છો ને હોતી ઋતુઓ કોઈ પણ-તું છે તો "પરમ"
"પાગલ"બનાવી મને કેવું અનુકૂલન કરે