હર પળેપળ કેમ કચવાતું રહે

હર પળેપળ કેમ કચવાતું રહે આ હું પણું,
સાવ નોખી રીતે ભજવાતું રહે આ હું પણું.

શું હશે ને શું નથી ને શું થયું ને શું થશે,
પ્રશ્ન પૂછી પૂછી રઘવાતું રહે આ હું પણું.

સર્વની વાતો હશે, સંકેલશે એ જાતને,
લોકે ટોળે કેમ પજવાતું રહે આ હું પણું.

હોય એની વાત તો મનમાં પછી હરખાય ને,
જાતનાં દર્પણ મહીં ગાતું રહે આ આ હું પણું.

ભીડ હો કે ચીડ હો કે પીડ હો જીવન મહીં,
એક ‘પ્રજ્ઞા’ હોય તો, જાતું રહે આ આ હું પણું.