સ્વપ્ન તો આંખમાં આવીને રહે કે
સ્વપ્ન તો આંખમાં આવીને રહે કે
સ્વપ્ન તો આંખમાં આવીને રહે કે ન રહે,
હાથ ફૂલોમાં ઝબોળ્યા ને સુંવાળા ન થયા.
તાગવા જાવ તો – ખોદાઇ ગયા છે દરિયા,
બળી ‘ગ્યો છોડ લીલોછમ ને ધુમાડા ન થયા.
એક વરસાદનું ટીપું અમે છબીમાં મઢ્યું,
ત્યારથી ભેજભર્યા ઓરડા કોરા ન થયા.
આજ ખાબોચિયાનાં થાય છે શુકન રણમાં,
તો ય ભાંગી પડેલ જીવને ટેકા ન થયા.
આજ વરસાદ નથી એમ ના કહેવાય,
એમ કહીએ કે હશે, આપણે ભીના ન થયા.