Quotes New

Audio

Forum

Read

Contests


Write

Sign in
Wohoo!,
Dear user,
મન પૂછે મને...
મન પૂછે મને...
★★★★★

© Pushpa Mehta Parekh

Inspirational

1 Minutes   6.9K    5


Content Ranking

પર્ણ પીળાં પાનખરનાં જોઈ મન પૂછે મને,

શાશ્વતી સૌંદર્યની છે કોઈ! મન પૂછે મને.

 

વૃક્ષ ને વરદાન કે પાછા ફરીથી કોળવું,

વેલડીએ જિંદગી કાં ખોઈ! મન પૂછે મને.

 

સાંજથી મહેંકી રહી’તી રાતરાણી ને છતાં,

શબનમી એ રાતભર કાં રોઈ! મન પૂછે મને.

 

બાગમાં કિલ્લોલતી હસતી રમંતી ઝૂમતી,

એ જ કળીઓ માળીએ કાં પ્રોઈ ! મન પૂછે મને.

 

ગર્ભમાંથી બાળકીએ ખૂબ વિનવણી કરી,

તોય માંએ કૂખ શાને ધોઈ! મન પૂછે મને.

 

ભેંસ આગળ ભાગવત વંચાય નઈ કોણે કહ્યું ?

જાનવરમાં લાગણીઓ જોઈ! મન પૂછે મને.

 

સ્નેહ ભીનાં સગપણો તોડીને જે ચાલ્યા ગયા,

રાહ એની આજ લગ કાં જોઈ! મન પૂછે મને.

 

સૂર્ય સાગર આભલું પર્વત નદી બદલ્યા નહિ,

માનવીએ કેમ કિંમત ખોઈ! મન પૂછે મને.

 

 

ગઝલ

Rate the content


Originality
Flow
Language
Cover design

Comments

Post

Some text some message..