વર્તાય છે
વર્તાય છે
1 min
13K
હાજરી તેની બધે વર્તાય છે,
ભાવના ક્યાં કોઇની વંચાય છે.
હો ભરોસો કામ તે આવે નહીં,
પણ સમય પર માનવી પરખાય છે.
કામ કરતા જે બધાના ભાવથી,
કર્મ તેના એટલે ચર્ચાય છે.
વિસ્તરેલી જાતને બાંધો હવે,
હર જગાયે હાજરી પડઘાય છે.
કાળની સામે પડીને જીવતાં,
હામ ભારે પથ્થરે ટકરાય છે.
રોકવા કીધું પતનની ચાલને,
વાત શાણી ક્યાં હજું સમજાય છે.
કેટલી માસૂમ બતાવી લાગણી,
તેમનું મન ક્યાં જરા ભીંજાયા છે