રામ નામ... શુભ રજની

રામ નામ... શુભ રજની...

 

લાવ ભરને એક પ્યાલો, આંખથી એ જામ ચડશે..

લાગણીઓનો નશો તારે જ કારણ આમ ચડશે..

 

જાણતા હોવા છતાં હું તો ગુનો કરતો રહું છું..

હોય કર્મોની દિશામાં નર્ક, સ્વર્ગે નામ ચડશે..

 

હમસફર સાથે હવે ક્યાં ચાલવાના આ ભવેતો..

પોત પોતાના હિસાબો માંગશે, જે દામ ચડશે..

 

માફ કરશું બસ અમે, પણ આમ કુદરત ક્યાં મુકે છે!

જે હશે ચિત્રગુપ્ત કહેશે એ પ્રમાણે કામ ચડશે

 

આ દિલાસા કામમાં ક્યાં આવશે એના "જગત"માં.!

લઈ જશે એ ડાઘુ જ્યારે નામ મુખમાં રામ ચડશે